ಹೊಸ ಹುರುಪು

ನಿನ್ನ ದೇಶವೇ ನಿನ್ನ ಉಸಿರು,
ಅಮರವಾಗಲಿ ನಿನ್ನ ದೇಶದ ಹೆಸರು,
ನಿನ್ನ ಖಾಸಗಿ ಚಿಂತೆಯ ಬಿಟ್ಟು,
ಸದ್ಭಾವದಲಿ ನಿನ್ನ ದೇಶವ ಕಟ್ಟು..

ನಿನ್ನ ಕೋಣೆಯ ಹಳೆ ಕನ್ನಡಿ,
ತೋರುವುದು ನಿನ್ನದೇ ಪ್ರತಿಬಿಂಬ,
ಬರಿಗಣ್ಣಿಗೆ ನಿನ್ನ ಬರಿಗಣ್ಣಿಗೆ..
ನಿನ್ನ ಮನದ ನಿಲುವುಗನ್ನಡಿ
ಬೀರುವುದು ಸಮಾಜದ ಬಿಂಬ,
ಒಳಗಣ್ಣಿಗೆ ನಿನ್ನ ಒಳಗಣ್ಣಿಗೆ..

ನಿನ್ನ ಸಮಾಜದ ತೊಡಕುಗಳ,
ಬರಿ ಮಾತಲಿ ನೀ ದೋಷಿಸಿ,
ಮಲಗಿದರೆ ನೀನು, ಮಲಗಿದರೆ ನೀನು..
ಆ ತೊಡಕಿನ ಕೇಂದ್ರಬಿಂದು,
ಬ್ರಷ್ಟಾಚಾರದ ಭೂತವಿಂದು,
ಬಿಡುವುದೇನು ನಿನ್ನ ಬಿಡುವುದೇನು..

ನಿನ್ನ ನಿದಿರಿಂದ ಎಚ್ಚೆದ್ದು,
ಈ ತೊಡಕುಗಳ ನೀ ತುಳಿದರೆ,
ಬೆಳವಣಿಗೆ ನಿಜ ಬೆಳವಣಿಗೆ..
ನಿನ್ನ ಗುರುತು ಈ ಸಮಾಜ,
ಆಗಬಾರದೇ ನೀ ಸತ್ಪ್ರಜ,
ಈ ದೇಶಕೆ ಈ ದೇಶಕೆ..

ನಿನ್ನ ದೇಶವೇ ನಿನ್ನ ಉಸಿರು,
ಅಮರವಾಗಲಿ ನಿನ್ನ ದೇಶದ ಹೆಸರು,
ನಿನ್ನ ಖಾಸಗಿ ಚಿಂತೆಯ ಬಿಟ್ಟು,
ಸದ್ಭಾವದಲಿ ನಿನ್ನ ದೇಶವ ಕಟ್ಟು..